#InKeith

Scots Toun

half circle

WALCOME TAE KEITH!

We’re a freendly wee toun, come an gie’s a wee look
We’re a breath o fresh air in the North-east neuk.
We spik an auld language that some thocht wis deid
That’s makin a comeback wi gaitherin speed.

The language o Burns that he focht tae protect
Is flooerin again gainin strength an respect.
Magnificent, versatile, rich an diverse
Equally suited tae prose or tae verse.

It’s pairt o oor culture, this language o kings
Like tartan an heather an ither sic things.
A warm walcome awaits, so come gie’s a wee look,
We’re a breath o fresh air in the North-east neuk.